Bea at Julia madaling nagkasundo

COOL JOE!
ni Joe Barrameda

NGAYON ko lang ulit nakita si Bea Binene after so many years. Hindi na rin kasi siya nag-renew ng management contract with GMA Artist na ngayon ay GMA Sparkles. 

Huli ko yatang nakasama si Bea ay noong summer cruise taping ng Pepito Manaloto from Singapore to Hongkong. Regular cast pa siya noon ng Pepito Manaloto with ex boyfriend na si Jake Vargas.

Hindi nagbabago ang itsura ni Bea na isa sa cast ng upcoming movie na Will You Be My Ex? under Studio Viva at Firestarters na iri-release ng Viva Films. Kasama niya sa movie si Julia Barretto na sobra ang puri niya sa kabaitan lalo na nang mismong ito ang lumapit sa mother ni Bea para magbigay pugay. 

Madaling nagkasundo ang dalawa sa set at walang alinlangan. Ganoon din naman ang komento ni Julia kay Bea, madali silang nagkapalagayan ng look sa set.

Kasama nila sa movie si Diego Loyzaga na ex ni Julia at karelasyon ni Bea. Sa June 21 ang opening nito sa mga sinehan.