Michael V achievement unlocked pagkakasali sa Voltes V: Legacy

RATED R
ni Rommel Gonzales

KILALA si Michael V.  na isang avid fan ng Voltes V. Sa katunayan ay may koleksiyon siya ng mga laruang Voltes V.

Kaya naman dream come true para sa komedyante ang mapasama sa cast ng Voltes V: Legacy ng GMA kahit bilang boses lamang ng kaibigang robot ni Little Jon [Raphael Landicho] na si Octo-1.

Ipinakilala sa episode ng Voltes V: Legacy  nitong Lunes si Octo-1, na tinawag ni Little Jon na ika-anim na miyembro ng Voltes team.

Sa kanyang IG post, nagpakita ng larawan si Michael V ng eksena ni Jamie Robinson [Ysabel Ortega] at may nakasulat na pangalan niya sa white board bilang si Octo 1.

“Achievement unlocked,” simpleng caption niya sa larawan.

May hiwalay na post din si Michael V. na kasama si Raphael at screenshot ni Octo-1.

“We’re happy to announce na kami na… ang mag-BESTIE sa #VoltesVLegacy!” saad ng aktor.

“Tutok lang sa adventures nina Little Jon at Octo-1 tuwing weeknights! Roger, Roger,” dagdag pa.

Nagkomento naman si Raphael sa naturang post ni Michael V ng, “Hi Bestie.”