Julia Barretto ipinalit ng Viva sa Alden-Bea movie

COOL JOE!
ni Joe Barrameda

SPEAKING of Alden Richards, nag-umpisa na sila sa taping ng Battle of The Judges na isa siya sa host. 

Bukod diyan ay may bago siyang movie na gagawin with Julia Barretto. Ito ‘yung tinanggihan ni Bea Alonzo at hindi swak sa kanyang schedule.

Habang ipinagbubunyi ng Viva ang 7M subscriber ng Vivamax, nag-launch naman sila ng bagong streaming platform, ang Viva One. Kaya abalang-abala sila sa paggawa ng mga dekalidad na material para rito. 

Nagtagumpay sila sa Vivamax dahil simula  nang nag-unoisa sila noong Feb 2021 ay naka-1M subscribers agad sila after eight months. Kaya every week, may bago silang ipinalalabas sa Vivamax. Isang daang bansa na ang nanonood sa Vivamax. 

Malaking bagay ito sa mga OFW natin na may napapanood at napapaglibangan. Ang maganda pa ay maraming nabibigyan ng trabaho at career ang Viva. Kaya malaking bagay ang Viva One sa mga hindi interesado rito na sinasabing for matured audience. 

Kaya abalang-abala ang mga anak ni Boss Vic del Rosario-Vincent at Val—na siyang nangangasiwa ng day to day operation nito.