Wagi sa WHO 2023 World No Tobacco Day Award,
SEN. PIA CAYETANO IPINAGMALAKI NG TAGUIG CITY

BINATI ng City of Taguig si Senator Pia Cayetano sa pagkakapanalo sa World Health Organization (WHO) 2023 World No Tobacco Day Award.

“The City of Taguig is so proud of you, Sen. Pia!” pahayag na pagbati ng local government unit (LGU).

Bilang advocate ng tobacco control, si Senator Pia Cayetano ay patuloy sa pagsusulong ng mga batas, programa, at mga proyektong laban sa paninigarilyo, vapes at heated tobacco products (HTPs).

Noong 2014, sponsor si Senator Pia Cayetano ng Graphic Health Warning Bill na naging batas – ang Republic Act 10643, at ipinaglaban ang Sin Tax Reform Act of 2012 (Republic Act 10351).

Ang pagkilalang iginawad sa kanya na naglalayong kilalanin ang mahahalagang kontribusyon ng mga individual at organization sa pagkontrol ng tobacco, ay testimonya ng kanyang tunay na pagmamahal sa public health at sa kanyang patuloy na pagsisikhay upang panatilihin ligtas ang mga Filipino laban sa mga mapaminsalang produkto. (JAYSON DREW )