Heaven malaki ang pasasalamat sa Viva 

COOL JOE!
ni Joe Barrameda

GRATEFUL si Heaven Peralejo na nakuha niya ang role as Luna Valeria sa upcoming mini series na Rain In Espana ng Viva Films na mapapanood sa Viva One simula May 1. 

Ayon kay Heaven nasa Star Magic pa rin siya nang mag-audition para sa role at luckily nakuha niya ang role katambal ang guwapong aktor na si Marco Gallo. Kung hindi ako nagkakamali ay parehong produkto ang dalawa ang PBB.

Ang Rain In Espana ay mula sa University series ng novels sa Wattpad na simulation ni Gwy Saludes. 

Ayon kay Direk Ted Boborol may changes silang kailangang gawin bilang mini series na iba sa libro bilang isang visual medium kompara sa pagkakasulat sa libro. Pero tinitiyak ng direktor na hindi ito naiiba sa original material. At ito ay aprubado ng sumulat ng libro.