HATAW! D'yaryo ng Bayan hatawtabloid.com
RATED R
ni Rommel Gonzales
KAHIT lampas 10:00 p.m. ang question and answer portion ay hindi kami nabagot sa naganap na JANB ENTERTAINMENT, isang hybrid company (into digital, mainstream & on the ground media) na nakasentro sa pagpapalaganap ng halos lahat ng uri o genre ng musika tulad ng Soul, R&B, Pop, Rock, OPM, at global music.
Isasakatuparan nila ito sa pamamagitan ng kanilang mahuhusay na artists tulad ng Pinoy artist based in New York na si Eytch Angeles na kamakailan ay kasama ng Filipino alternative rock band na Sponge Cola sa U.S. Jeepney Tour 2023bilang isa sa mga front act.
Si Eytch ang umawit at sumulat ng latest single niyang Sa Kalawakan.
Ipinakilala rin ng JanB Entertainment ang mga artist nila na sina Ashley, Tif, Almyn, Boyong, at Chelle.
Masuwerte ang mga baguhang artist dahil mabilis na ngayong ipakalat ang anumang nais nilang ibahagi sa publiko, tulad ng kanilang musika, dahil sa napakaraming platforms sa social media ngayon.
