Jose Guilas ng PTV4 napansin ang galing, nominado sa 35th Star Awards

COOL JOE!
ni Joe Barrameda

MARAHIL iilan lang ang nakakikilala kay Jose Guilas, isa sa news anchor ng PTV4. At a young age ay nagsimula si Jose sa ABS CBN News Department as news researcher. Tapos nagkaroon ng magandang oportunidad, lumipat siya ng ABC5 with full blessing ng mga namumuno sa Kapamilya Network. Sa ABC5 ay nabigyan siya ng pagkakataong maging news reporter at kaya siya ay napanood sa GMA TV. 

Nakita yata ng ABS-CBN ang galing niya sa pagre-report at nahimok ulit siya na bumalik. Matapos ‘yun ay nasa PTV4 na siya as news anchor na napapanood natin  gabi-gabi. Hindi pa siya gaanong kakilala dahil alam naman natin ang PTV4 ay isang government TV network at ilan lang ang tumututok dito. Pero dahil sa laki ng follower ni PBBM na 31M supporters ay dumating na ang manonood sa PTV4 na obligadong ipalabas lahat ang aktibidades ng Palasyo ng Malacanang at iba pang government institution.

Bata pa lang ay pangarap na ni Jose na maging news reporter pero hinahadlangan ng magulang at hindi bagay sa kanya. Gayunman, ipinagpatuloy niya ang kanyang pangarap at nangyari naman. Sa tagal na niya bilang news reporter ay marami na ang nakakapansin sa kanya ngayon. Bukod sa pagiging news reporter, kasalukuyan siyang Corporate Director of Communicatiions ng Newport Resorts Manila at nakakaya na niyang pagsabayin ang dalawang propesyon nila.

Dahil sa kahusayan niya, napansin siya at nominado sa 35th Star Awards for TV na magaganap sa January 28, 2023, 6:00 p.m. sa Winford Hotel at mapapanood ng live streaming sa Facebook.