Picture nina Sofia at Allen sa footbridge sa EDSA trending

RATED R
ni Rommel Gonzales

MARAMI na ang excited sa pagpapalabas ng Luv Is: Caught In Your Arms dahil ilang araw lamang mula nang ipalabas sa Facebook page ng GMA ang trailer nito ay mahigit isang milyon na agad ang views.

Bukod dito, nag-trending ang mga litrato nina Sofia Pablo at Allen Ansay na nasa tuktok ng footbridge sa EDSA corner Timog at nag-selfie sa tapat mismo ng billboard ng upcoming show nila.

Ang naturang series ay ang first collaboration project ng GMA Network at ng Wattpad Webtoon Studios.

Bukod kina Sofia at Allen ay tiyak na kakikiligan ang Sparkada boys na sina Michael Sager, Vince Maristela, Raheel Bhyria, at Sean Lucas.

Tiyak namang maraming magkaka-crush sa Sparkle girls na sina Caitlyn Stave, Cheska Fausto, Tanya Ramos, at Kirsten Gonzales.

Kaabang-abang din ang magiging karakter ng social media star-turned-actress na si Rain Matienzo na napanood na rin sa TV sa seryeng Artikulo 247 at sa trending GMA series na Maria Clara At Ibarra  bilang si Salome.

Eere na ang Luv Is: Caught In His Arms sa January 16, 8:50 p.m. sa GMA.