Gabby at Carla kapwa excited sa muling pagsasama sa isang serye

RATED R
ni Rommel Gonzales

NGAYON pa lang l marami na ang excited sa pagsasanib-puwersa sa unang pagkakataon sa isang serye nina Carla Abellana, Beauty Gonzalez, at Gabby Concepcion sa isang drama series ng GMA Network, ang Stolen Life.

Sa interview ni Lhar Santiago, inilahad nina Carla at Gabby ang kanilang excitement sa bagong proyekto na ito sa GMA. Ang Stolen Life ay tungkol sa isang babaeng “mananakawan” ng buhay dahil sa astral projection.

Saad ni Carla sa interview, “It’s a privilege to be working again with Kuya Gabby.”

Nagkatrabaho sina Carla at Gabby noong 2015 sa programang Because Of You bilang sina Andrea at Jaime.

Pag-amin naman ni Gabby, ikinagulat niya na muli silang magtatambal ni Carla sa telebisyon.

“Nagulat ako na kami ulit ni Carla. I’m really happy because nag-enjoy kami sa ‘Because Of You.’”

Makakasama nina Carla, Gabby, at Beauty sa Stolen Life ang mahuhusay na mga aktor at aktres na sina Celia Rodriguez, Divine Aucina, Anjo Damiles, Lovely Rivero, at William Lorenzo.

Ang Stolen Life ay sa ididirehe ni Jerry Sineneng at mapapanood sa GMA Afternoon Prime simula July 3.