Lips ni Therese nadonselya ni Jeric

COOL JOE!
ni Joe Barrameda

KAKAUWI lang namin from the red carpet premiere ng Broken Blooms na puno ng tao at standing room only. I am so proud of my alaga, Jeric Gonzales sa napakagaling niyang performance in his first lead role in a movie. 

No wonder he won four international acting awards from various international film festivals ang still counting. Better watch mga local award giving bodies natin at he is a revelation after being bullied before. 

Hanggang ngayon tumatatak pa sa isipan ko ang sinabi ng isang executive na wala pa raw napatunayan si Jeric kaya ganoon na lamang ang mga role na ibinibigay sa kanya. Pero he was able to redeem himself sa Magkaagaw and now Start Up PH. Kaya maganda ang 2022 ni Jeric at may kasunod agad na project na mag-start rolling ngayong December.

Lahat ng nasa premiere ay puring-puri si Jeric at pinatunayan niya na isa na siyang matured actor nang magpasilip ng puwet niya na kailangan sa eksena. Maganda at swabe ang intimate scene nila ni Therese Malvar na first time yata niya na makipag-kissing scene at inalalayan naman sila ng director na si Loui Ignacio.

Revelation din ang mga eksena ni Bubay na baliw na baliw kay Jeric at gaya ng ibang bakla ay martyr sa kinalolokohan kahit binubuwisit siya. 

Katulad namin ay maraming naka-relate na bading. Kaya tawanan nang tawanan sa preskon.

Mag-uumpisa itong mapanood sa December 14 sa mga SM Cinema.