HATAW! D'yaryo ng Bayan hatawtabloid.com
COOL JOE!
ni Joe Barrameda
DUMALAW noong isang araw ang main cast ng Start Up PH sa Davao City para makapiling ang mga supporter nila. Full to the max ang venue ng meet ang greet event ng apat na lead stars.
Sa mga nakita naming pictures ay hindi magkamayaw ang mga tao sa loob ng Abreeza Mall sa Davao City. Malaking bagay ang madalaw sila nga mga artistang iniidolo nila na ang ilan sa kanila ay hindi pa nakararating sa Manila. Kaya malaking bagay sa kanila ‘yun na hindi nila malilimutan lalo na ang apat na sikat na mga artistang ito.
I am sure may mga magne-nega na naman lalo na ang ilang ALDUB fans na hanggang ngayon ay hibang pa rin at umaasa na magkatuluyan sina Alden Richards at Maine Mendoza at naniniwalang may anak ang dalawa kahit ipinagsisigawan na engaged na si Maine kay Congressman Arjo Atayde. Hay naku, ewan ko ba.
Anyway, sa buwang ito magtatapos ang Start Up PH at isa ako sa sumusubaybay sa nasabing teleserye at nalulungkot ako na kay Tristan napupunta ang atensiyon ni Dani at mawawala sa alaga kong si Dave. Hindi bale Dave at may bago kang gagawing teleserye na kakaiba ang karakter mo at tiyak ako mag-e-enjoy ka.
Kaya tutok na sa Start Up PH gabi-gabi sa GMA7.
