HATAW! D'yaryo ng Bayan hatawtabloid.com
PATAY ang isang 42-anyos empleyado ng isang pagamutan habang dumadalo sa anibersaryo ng kanyang fraternity sa lungsod ng Batangas nitong Linggo ng gabi, 23 Oktubre.
Kinilala ng Batangas PPO ang biktimang si Delfin Gonday, Jr., residente sa Brgy. Kumintang, sa nabanggit na lungsod.
Sa ulat ng pulisya, sinabing magkasama ang biktima at ang suspek na kinilalang si Felicimo Padilla nang dumalo sa pagdiriwang ng anibersaryo ng Batangas Varsitarian Fraternity.
Dakong 10:00 pm, ikinagulat ng marami nang biglang bumunot ng baril si Padilla saka binaril si Gonday na tinamaan ng bala sa iba’t ibang bahagi ng katawan.
Dinala sa Batangas Medical Center si Gonday ngunit idineklarang dead on arrival ni Dr. Trina Regalado.
Iniimbestigahan ng pulisya ang insidente habang patuloy ang paghahanap sa tumakas na suspek.
