HATAW! D'yaryo ng Bayan hatawtabloid.com
COOL JOE!
ni Joe Barrameda
ISANG malaking break ang ibinigay at suporta ng GMA sa alaga naming si Jeric Gonzales bilang isa sa lead star ng Start Up PH na ngayon ay tinututukan ng mga Kapuso televiewer kaya maganda ang ratings.
Umpisa pa lang ay inabangan na ito ng iba’t ibang fans club ni Jeric kasama ang mga fan nina Alden Richards, Bea Alonzo, at Yasmien Kurdi.
Ito na ang hudyat na magiging isa sa mga important star si Jeric ng GMA matapos ang matagumpay na Magkaagaw na sinubaybayan din ng mga nakararaming Kapuso televiewers.
Matagal napabayaan si Jeric ng mga namamahala sa kanya noon kaya nito lang siya namamayagpag. Noon ay kung ano-ano lang ang role na ibinibigay sa kanya at kaya na-challenge ang aktor para pagbutihin at ipakita ang kakayahan niya bilang aktor at mapasaya ang mga fan na never siyang iniwan ng mga fan na nabuo noong Protegee days pa niya.
Natutuwa naman kami at proud sa dalawa naming alaga na sina Jeric at Ruru Madrid na parehong galing sa Protegee. Kaya ipagpatuloy ninyo ‘yan Jeric at Ruru hanggang marating ninyo ang rurok ng tagumpay.
