Jean Garcia ratsada sa GMA

COOL JOE!
ni Joe Barrameda

ILANG tulog na lang at mapapanood na sa GMA Afternoon Prime ang bagong family drama series na may hatid na kakaibang kUwento tungkol sa pamilya, ang Nakarehas Na Puso. 

Hindi pa tapos ang Lolong pero may follow-up project na si Jean Garcia. Malapit nang makilala ang Pamilya Galang na pinagbibidahan nina Jean, Michelle Aldana, at Leandro Baldemor.

Kasama rin sa family drama series sina Vaness Del Moral, Edgar Allan Guzman, Claire Castro, Ashley Sarmiento, Bryce Eusebio, Chanel Latorre, Marnie Lapuz, Analyn Barro, at Dang Cruz.

Sino-sino nga ba ang mga makakatapat ng pamilya nina Amelia (Jean) at asawa niyang si Jack (Leandro)? At ano ang mga pagsubok na haharapin ni Amelia para sa kanyang pamilya?

Abangan ang Nakarehas Na Puso ngayong Setyembre sa GMA Afternoon Prime.