HATAW! D'yaryo ng Bayan hatawtabloid.com
COOL JOE!
ni Joe Barrameda
TULOY-TULOY ang mga nanonood ng Maid In Malacanang na tumatabo sa takilya. Ang latest na narinig ko ay naka-P140-M gross as of Sunday evening. Ayaw magpatalbog ng 31M na bumoto kay PBBM last election.
Para talagang May 9 election ang pilahan sa mga sinehan. Wala naman dapat pag-awayan ang dalawang kontrobersiyal na movie pero pilit pinag-aaway ang Maid In Malacanang at Katips. Ang MIM ay istorya ng pamilya Marcos ilang araw bago nila lisanin ang palasyo. Siyempre pamilya Marcos at mga household staff nila ang nakaaalam sa mga pangyayari sa loob ng palasyo.
Walang puwedeng kumontrang iba dahil hindi naman nila alam ang kaganapan sa loob at walang kinalaman sa mga pangyayari sa labas. Kaya natatawa ako sa mga kumokontra na wala naman sila sa lugar ng pinangyarihan.
Umiikot na sa iba’t ibang panig ng Pilipinas ang cast ng Made In Malacanang gaya ng Davao, Cebu, Ilocos Norte at iba pa para alamin ang mga taong pumipila sa mga sinehan.
Kapansin-pansin wala si Senator Imee Marcos sa Ilocos noong nagpunta roon ang mga artista ng MIM. Nabalitaan na lang namin na nagka-Covid pala ang butihing Senadora. Kasalukuyang nagaself quarantine ito at nagpapagaling.
Paano naman iba’t ibang tao ang nakakasalamuha niya the past several days. Kaya ingat tayo at hindi nawawala rito sa atin ang Covid 19.
Ang magandang napatunayan ng Maid In Malacanang at Katips ay buhay na muli ang showbiz at mga sinehan. Lalo pang malaki ang tulong ni Sen Imee na may pagmamahal sa showbiz at bilang Director General ng Experimental Cinema of the Philippines nakatitiyak tayo na tutulong siya sa pagpo-produce ng pelikula at hihimukin niya ang gobyerno na magbigay ng mga incentives para sa pelikulang Filipino.
