HATAW! D'yaryo ng Bayan hatawtabloid.com
COOL JOE!
ni Joe Barrameda
NAGING matagumpay ang GMA Thanksgiving Gala noong Sabado ng gabi na idinaos sa Shangrila The Fort. Hindi inalintana ng GMA artis ang malakas na buhos ng ulan sa buong maghapon ng Sabado habang naghahanda sa napakahalagang okasyon na iyon. Sa tagal ng panahon ay ngayon lang sila magkakasama na marami ay baguhan.
Pinagmasdan namin ang pagrampa nila sa red carpet na buong ningning nilang ipinagmalaki ang mga kasuotan nila gawa ng mga pamosong designers.
Magkakasabay na rumampa ang mga magkakarelasyon habang single na rumarampa ang mga single at ang iba naman ay magkakabarkada. Totoo nga nasa Kapuso na si Marco Gumabao na nakita namin sa event na iyon. May mga bisita rin na hindi artista kundi mga politiko at mga negosyante.
Siguro ay mga sponsor ng affairs komo fundraising ang event para sa Kapuso Foundation.
Maayos ang nasabing event at sa pagsasama nilang ‘yon ay magkakakilala ang mga artista at hindi na ako magugulat na may nabuong relasyon ang iba. Tingnan natin.
