HATAW! D'yaryo ng Bayan hatawtabloid.com
COOL JOE!
ni Joe Barrameda
NAGING matagumpay ang press event ng Maid In Malacanang na ginanap sa Maynila Ballroom ng Manila Hotel noong Linggo ng hapon. Feeling rich ang mga kasamahan sa panulat sa pagtuntong sa elegant at well decorated na Maynila na animoy nasa loob ka ng Malacanang. Ito ang rason kung bakit doon idinaos ang press launch.
Very much impress ang mga kasamahan sa panulat sa pagka-elegante ni Ruffa Gutierrez sa magandang red terno na suot na gawa ni Rajo Laurel. Napakaganda ni Ruffa na akmang-akma sa dating Unang Ginang Imelda Romualdez Marcos. So elegant at magandang posture.
Kaya naman very proud si Annabelle Rama na hindi nagpaunlak ng interview tungkol sa away nila ni Rowena Guanzon.
Kompleto ang cast ng Maid In Malacanang na sa tingin namin ay very excited sa pelikulang ito. Lahat sila ay super ang pasasalamat na napabilang sa cast ng kontrobersiyal na movie na ito.
Ngayon pa lang ay pinag-uusapan na ang pelikula sa social media at marami ang nasasabik na mapanood ito na magsisimula sa Aug 3 worldwide. Ang mga cast ay mag-iikot sa iba’t ibang parte ng mundo na may mga Filipino para i-promote ang movie.
Marami ring OFW na excited sa movie na ito. More than 31M plus ang bumoto kay PBBM at sure ako na nag-aabang ang mga ito. Kaya expected ng Viva Films ang box office nito sa takilya kahit may kamahalan ang ticket ngayon.
