HATAW! D'yaryo ng Bayan hatawtabloid.com
MULING iparirinig ni Kyle Juliano ang galing niya sa pagkanta ng mga romantic songs sa paglalapat ng bagong tunog sa isa sa popular na awitin ng Apo Hiking Society, ang When I Met You.
Ang rising singer, na may 517,000 monthly listeners sa Spotify sa ngayon ay muling magpaparinig ng kanyang romantic vocals sa awiting pinasikat ng Apo.
Walang duda na itong bagong handog niyang awitin ay muling magpapatanyag sa kanya bilang isa sa magaling na young pop at ballad singer ngayon.
Maging si Kyle naman ay hindi makapaniwala na magagawan niya ng sariling version ang tanyag na OPM song.
Ang When I Met You ni Kyle ay may whole new level ng pagmamahal. Na ipinagpatuloy hanggang ngayong 2022 kasunod ang pagri-release ng Another Home noong February.
Sa bagong version ng WIMY ni Kyle tiyak na makapagbibigay ng sangkaterbang emosyon na tila nagpapaalala sa atin na iba talaga ang pakiramdam kapag nai-inlab.
Ang When I Met You ay mapakikinggan na sa inyong mga paboritong streaming platforms na handog ng Universal Records.
