HATAW! D'yaryo ng Bayan hatawtabloid.com
NAMAHAGI ng Malasakit Help Kits ang pambansang aviation regulator sa mga paliparang nasa ilalim ng kanilang superbisyon.
Ayon kay Civil Aviation Authority of the Philippines (CAAP) spokesman Eric Apolonio, binigyan ng freebies ang mga biyaherong tatay (traveling fathers) para sa espesyal na Father’s Day.
Sa kabila ng limitadong bilang ng Malasakit Help Kits ay maayos na naipamigay ng Malasakit Help Desks ang mga personal care products na tulad ng hand sanitizers, wet wipes, bottled water, biscuits, at snacks.
Dagdag nito, kasalukuyang namimigay ng Malasakit Help Kits ang mga CAAP personnel sa Bicol International Airport, Laguindingan Airport, at Zamboanga Airport.
Ang naturang inisyatiba, pinangunahan ni Department of Secretary Art Tugade, ay para mabigyan ng pagpapahalaga ang mga pasahero sa pamamagitan ng tanda ng pasasalamat na magbibigay ng komportableng pagbiyahe.
Ang nasabing aktibidad ay madalas isinasagawa kapag may espesyal na okasyon at holidays sa bansa.
“As we rise back up from everyday challenges, CAAP wants to make fathers feel extra special today and hopefully bring smiles to their faces through this thoughtful gesture,” ani CAAP Director General Jim Sydiongco. (RR)
