MMDA handa sa Oplan Balik Eskuwela 2022-2023

NAKAHANDA ang Metropolitan Manila Developmwnt Authority (MMDA) para sa Oplan Balik Eskuwela sa 2022-2023.

Kinompirma ng MMDA, handa sila para sa Oplan Balik Eskwela 2022 para matiyak na ligtas ang pagpapatuloy ng 100% face-to-face classes sa buong bansa sa buwan ng Agosto.

Ayon kay Atty. Victor Nuñez, pinuno ng MMDA Traffic Discipline Office (TDO) – Enforcement, nakatuon ang ahensiya na protektahan ang mga batang bumibiyahe papasok sa paaralan bilang paghahanda sa

academic year 2022-2023.

Aniya, nagpulong ang mga school administrator, Parent-Teacher Associations (PTA), at local traffic bureaus sa National Capital Region para pag-usapan ang road safety sa mga school zone.

Ani Nuñez, ang kaligtasan sa kalsada ay isang shared responsibility na titiyaking maipapatupad ang mga batas trapiko.

Ang ahensiya ay mayroon din Children’s Road Safety Park sa Adriatico St., Maynila na naglalayong isulong ang mas malalim na pag-unawa tungkol sa kaligtasan sa kalsada at disiplina sa trapiko.

Aniya, patuloy na nakikipag-ugnayan ang MMDA sa (DOTr),  (LTO), at (LTFRB), upang bantayan ang mga motorista para maprotektahan ang kaligtasan ng mga gumagamit ng kalsada. (GINA GARCIA)