HATAW! D'yaryo ng Bayan hatawtabloid.com
NAKAMIT ng 12-years-old at tinaguriang Super Girl ng powerlifting na si Khieszia Danielle Narral, 36kgs bodyweight ng Cyber Muscle Gym Team, ang gold medal at Best Lifter Award sa ikalimang pagkakataon sa katatapos na 2022 PH National Interschool, Novice & Special Athletes Equipment Powerlifting Championships na ginanap sa Decathlon sports Marikina nung Sabado, Mayo 28-29.
Binuhat ni Narral sa Squat ang 67.5 kgs o 148.5 lbs, Bench Press- 32.5kg o 71.5 lbs, Deadlift – 80kgs o 176 lbs, at Total – 180 kgs.
Sinabi ng kanyang father/coach Cirilo Dayao na malaki ang potensiyal na mapasama si Narral sa PH National team ng Powerlifting sa susunod na taon dahil patuloy itong lumalakas at gumaganda ang kondisyon sa training. Nagpapasalamat din si coach Dayao sa Team HD Weightlifting Team sa pangunguna ni Hidilyn Diaz at Coach Julius T. Naranjo dahil malaking tulong din ang pinapadala nilang programa ng Weightlifting para lalo pang lumakas ang mga atleta.
Kasalukuyan ding nagti-training ang buong Cyber Muscle Gym Team ng weightlifting na may kumbinasyon ng powerlifting program.
Naka-gintong medalya rin sina Aeron Paul Casamayor – 59kg open div. ng kinetix Iron Quest; Philip Lawrence Trinidad- 59kg Novice div. , Zest; Derick Dizon Tano- 33 kgs developmental div.
