HATAW! D'yaryo ng Bayan hatawtabloid.com
MATAGUMPAY na naisagawa ng Philippine Embassy sa Budapest ang consular outreach mission sa Sofia, Bulgaria.
Ayon sa Department of Foreign Affairs (DFA), ang consular team ay binubuo nina Consul Ria E. Gorospe at Attachés Iluminada Manalo at Claro Cabuniag.
Kabilang sa mga serbisyo ng consular mission ang passporting, notaryo, paghahain ng civil registration reports, at application para sa NBI clearance.
Ayon sa ahensiya, ilang rehistradong botante sa ibang bansa sa Bulgaria ang nakapagbalik ng kanilang mga balota sa Embahada para sa National Election 2022.
Nagpasalamat ang Embahada sa tulong at mabuting pakikitungo ng Philippine Consulate General sa Sofia, sa pamumuno ni Consul General Mrognian Trajanov, at executive assistant, Milena Mileva.
Para sa consular concerns, ang Philippine Embassy ay maaaring tawagan sa budapest.pe@dfa.gov.ph.
