HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
INAMIN ni Cindy Miranda na nadadala at tinatablan din siya kapag may mga maiinit at matitinding sex scenes sa mga pelikulang ginagawa niya.
Ang pag-amin ay isinagawa ni Cindy sa digital media conference ng pinakabago niyang pelikula sa Viva Fims, ang Iskandalo na 10-part series na idinirehe ni Roman Perez Jr. at napapanood na simula Abril 10.
Ani Cindy, “Tao lang naman tayo atsaka ‘being’ talaga ako as an actress. Talagang iniisip ko na nasa sitwasyon ako, na ako talaga ‘yung karakter.
“Honestly, naaapektuhan ako, but we need to be professional. We need to realize na after that scene, hindi na tayo ‘yung karakter na ‘yun.
“May mga kanya-kanya tayong buhay, huwag na nating guluhin ‘yung buhay ng ating co-actors. ‘Yun ang palagi kong sinasabi sa sarili ko na I need to be professional,” ani Cindy.
Ipinagpapasalamat ni Cindy na sa mga nakaka-lovescene niya wala namang may kakaibang amoy o ‘yung hindi malinis sa katawan.
“Lahat nagpapabango. Ang bango-bango nga po masyado.
“Nakahihiya. Makikita mo nga, nagma-mouthwash pa sa harap mo, parang they want you to know, ‘Hey, nag-mouthwash ako!’ Pero ang worse lang, marami po ang weird pero wala akong mabahong nakaeksena ever.
“I think suwerte po ako na ang Viva they make sure naman na kapag may kapartner ka, alam nila ang dapat gawin,” sambit pa ng beauty queen/aktres.
Bukod kay Cindy, tinatampukan din ang Iskandalo nina Ayanna Misola, AJ Raval, Jamila Obispo, Angela Morena, Julio Diaz, Evangeline Pascual, Sean de Guzman, Rocky Salumbides, Pio Balbuena, Francis Magundayao, Joko Diaz, Jay Manalo, Joone Gamboa at marami pang iba.
Samantala, rito yata sa Iskandalo makikita ang mga pikaseksing tsikas ng Vivamax. Ang Iskandalo rin ang pinakamainit na scandal na hindi bawal! Dahil nagsama-sama ang lima sa pinaka-pinagpapantasyahang Vivamax Crushes sa isang bago at kakaibang series.
Ang kuwento ng Iskandalo ay magsisimula sa pagkamatay ng isang sikat na batang artista na masasangkot sa isang viral sex scandal. Siya ba’y nagpakamatay sa hiya? Foul play ba? Kung foul play, sino ang pumatay sa kanya? ‘Yan ang iimbestigahan ng isang determinadong lady cop at madidiskubre niyang mas malalim ang dahilan ng krimen at ng sex scandal na kasasangkutan ng matataas na tao sa lipunan.
Masusulit ng mga subscriber ng Vivamax ang kanilang panonood ng Iskandalo dahil 10-part series ito—Sampung linggong init at angas ang matutunghayan ng mga ka-Vivamax dahil ito ang scandal na hindi bawal! Hindi magpapaawat si AJ sa series na ito, kaya’t hindi kataka-taka na siya na ngayon walang duda ang Pantasya ng Bayan ng kasalukuyang henerasyon. Siyempre, hindi rin magpapaiwan ang alindog ng ating mga baguhang sina Ayanna, Angela, at Andrea—kumbaga sa sakuna, Alert Level 5 ang kaseksihan na handa nilang ipakita!
