HATAW! D'yaryo ng Bayan hatawtabloid.com
PABONGGAHAN
ni Glen P. Sibonga
IPINALIWANAG ng Film Development Council of the Philippines (FDCP) Chairperson at CEO na si Liza Dino Seguerra ang pagkakasama ni Vice Ganda sa mga pararangalan sa 6th Film Ambassadors’ Night na gaganapin sa February 27, 2022 sa makasaysayang Manila Metropolitan Theater.
Nagwagi si Vice Ganda noong Disyembre bilang Best Entertainment Host sa 2021 Asian Academy Creative Awards para sa ABS-CBN show na Everybody Sing.
Ayon kay Chair Liza, malaking honor ang ibinigay sa Pilipinas ng pagkapanalo ni Vice sa prestihiyosong award-giving body. Kaya kahit hindi sa larangan ng pelikula at sa kategorya sa telebisyon nagwagi si Vice ay marapat lang na bigyan ang Unkabogable Star ng parangal ng FDCP.
“He won, he won in Asian Academy Creative Awards! Why can’t we celebrate him? It’s actually that international award-giving body that gave him that award. Parang what’s the issue for us to not give him his due recognition,” paliwanag ni Chair Liza.
Bukod kay Vice, may iba pa rin naman sa larangan ng telebisyon na nanalo internationally na pararangalan sa Film Ambassadors’ Nightng FDCP.
Nagpasabi na si Vice na hindi makadadalo sa pagpaparangal ng FDCP dahil may previous commitments at taping ito. Pero nagpapasalamat ang Unkabogable Star sa pagkilala ng FDCP.
May mensahe pa si Chair Liza kay Vice, “Congrats, Vice! Sayang hindi ka makakarating but we’re so proud of you. We just want to let you know that the industry is celebrating your feat in representing the country.”
Samantala, masaya rin si Chair Liza para kay Vice sa nakaraan nitong Las Vegas wedding with Ion Perez. And wish niya na sana magtagal pa ang pagsasama nina Vice at Ion katulad ng pagsasama nila ni Ice Seguerra.
