HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
BEST movie kung ituring ni Cindy Miranda ang latest movie niya sa Viva Films, ang Reroute na idinirehe ni Lawrence Fajardo at mapapanood na sa January 21.
Nasabi ni Cindy na best movie ang Reroute dahil kasama niya ang aktor na sobra niyang hinahangaan, si John Arcilla. Kasama rin dito sina Nathalie Hart at Sid Lucero.
Inamin ni Cindy sa media conference ng Reroute kamakailan na fan siya ni John at kinilig siya sa unang araw ng kanilang shoot.
“This is my most intense movie and of course kasama ko rito si John Arcilla. Nabigyan ako ng chance na makasama ko sa isang film ang isang John Arcilla.
“I had to level up talaga, I was so worried na of course he’s a very, very good actor, yes best actor of the Philippines.
“Noong sinu-shoot namin itong Reroute sabi ko siguro ‘pag tinanong ako kung anong movie ang dapat nilang panoorin sa lahat ng nagawa ko, sasabihin ko sa kanila na panoorin nila itong ‘Reroute.’This is my best movie yet,” sunod-sunod na pangangatwiran ng beauty queen turned actress.
Hindi rin itinago ni Cindy na kaagad siyang nagpa-picture kay John sa unang araw ng kanilang shooting.
Samantala, ang Reroute ay isang sexy-suspense thriller na kuwento ng mag-asawang sina Trina (Cindy) at Dan (Sid) na nagkaroon ng problema ukol sa trust. Pinaghinalaan ni Dan na may iba si Trina. Bagamat may problema kinailangan nilang puntahan ang tatay ni Dan sa probinsiya na sa pagtungo nila roon doon lalong lalala ang problema nilang mag-asawa.
Ang Reroute ay mapapanood na sa January 21 sa Vivamax.
