HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
IBANG klase ang naganap na year-end countdown ng Net25 na ginanap sa Philippine Arena Bocaue, Bulacan noong December 31. Nagliwanag ang kalangitan dahil sa magarbong fireworks display na tumagal ng mahigit 30 minutos .
Isa rin sa highlight ng okasyon ay ang pailaw sa lumilipad na ‘Agila’.
Kaya naman ganoon na lamang ang kasiyahan ng mga nag-perform gayundin ng mga nag-abang dito dahil taong 2020 pa huling nagsagawa ng countdown sa Philippine Arena.
Bukod sa hatid na saya ng mga live performance, may mga mapipili ring winners sa ‘Selfie with the Agila’ promo. Habang nanonood kasi ang netizens sa naturang programa, maaaring mapanalunan ang isang brand new car, iphone 13, at samsung s21 phone. Bukod diyan may cash prizes din—limang winners ng P100K, dalawang winners ng P50K, limang winners ng P25K, 25 winners ng P10K, at 25 winners ng P5,000.
Ang mga nanalo sa ‘Selfie with the Agila’ promo ay iaanunsiyo sa mga programang Kada Umaga at Ano Sa Palagay nyo (ASPN) nina Ali Sotto at Pat-P Daza.
Sa countdown, unang nag-perform on stage si Callalily frontman Kean Cipriano kasama ang kanyang bandaat sinundan ito ng Magandang Dilag hitmaker, JM Bales, gayundin nina Ruru Madrid, rapper Rapido, acoustic singer Princess Velasco, at ang south border lead vocalist na si Jay Durias.
Nagkaroon din sila ng duet ng With a Smile ni Maureen Schrijvers.
Nagpakitang gilas naman sa dance floor sina Athena Madrid, Jon Lucas, at Ms. Emma Tiglao.
Nasa countdown din sa Philippine Arena ang cast ng Quizon CT na sina Eric Quizon, Epi Quizon, Vandolph Quizon, kasama si Jenny Quizon.
Ang pagsalubong sa Bagong Yaon ay pinangunahan ng Kada Umaga morning show hosts na sina Pia Guanio-Mago, Emma Tiglao, Maureen Schrijvers, Tonipet Gaba, at Wej Cudiamat kasama si Alex Calleja.
Ang bandang Mayonnaise ang nagtapos ng ginanap na masayang year-end countdown.
