Sunday , February 23 2025

‘Ill-gotten wealth’ ni Quiboloy ‘yari’ sa US gov’t

112221 Hataw Frontpage

ni ROSE NOVENARIO

NAIS ng mga awtoridad sa Amerika na kompiskahin ang mga ari-arian ng spiritual adviser ni Pangulong Rodrigo Duterte at ng Kingdom of Jesus Christ (KOJC) leader Apollo Quiboloy dahil ito’y ‘ill-gotten.’

Napaulat na itinuturing ng Federal Bureau of Investigation (FBI) na ‘ill-gotten’ ang properties ni Quiboloy sa US dahil resulta ito ng mga krimeng ginawa.

“We seek to recover typically all ill-gotten gains from the crimes committed,” ayon kay FBI spokesperson for Los Angeles Laura Eimiller sa ulat ng Inquirer.

Ang pahayag ni Emiller ay kasunod ng pormal na paghahain ng mga kasong sex trafficking, child sex trafficking, money laundering, bulk cash smuggling, marriage and visa fraud at iba pang paglabag sa federal law laban kay Quiboloy at walo pa niyang tauhan sa KOJC.

Inaasahan aniya na mas marami pang biktima ng sex trafficking ang lalantad upang tulungan ang US authorities sa mga kaso laban sa 71-anyos na KOJC leader at kanyang mga kasabwat.

Kabilang sa mga nanganganib na makompiskang ari-arian ni Quiboloy sa Amerika ay ang Cessna Citation Sovereign, isang private aircraft na may current market value na $18 million, isang Bell 429 helicopter, ilang luxury cars at real estate properties, gaya ng isang million-dollar mansion sa Calabasas, California.

May mga bahay din umano si Quiboloy sa Las Vegas, Nevada, at sa Kapolei, Hawaii, at ang main headquarters ng KOJC na may address sa US 14400 block of Vanowen Street, Van Nuys, California.

Nagsimula umanong subaybayan ng US authorities ang mga aktibidad ni Quiboloy mula nang madetine ng isang araw sa Honolulu noong 13 Pebrero 2018 makaraan matuklasan ng customs officials sa kanyang luggage ang gun parts,  US$335,000 at $9,000 Australian dollars sa kanyang private aircraft.

Noong Biyernes, tiniyak nina Justice Secretary Menardo Guevarra at acting presidential spokesperson Karlo Nograles na makikipagtulungan ang gobyerno ng Filipinas sa US kapag hiniling ang extradition ni Quiboloy.

About Rose Novenario

Check Also

Coco Martin FPJ Panday Bayanihan Brian Poe Llamanzares

Coco Martin, Kaisa ng FPJ Panday Bayanihan sa Misyon ng Serbisyong Totoo

PANGASINAN – Inendoso ng aktor na si Coco Martin ang FPJ Panday Bayanihan partylist sa …

Erwin Tulfo Imelda Aguilar April Aguilar Alelee Aguilar

Sa courtesy visit plus motorcade
ACT-CIS REP. ERWIN TULFO MULING PINAGTIBAY SUPORTA SA LAS PIÑAS

NAGSAGAWA ng kortesiyang pagbisita si ACT-CIS Partylist Representative Erwin Tulfo sa mga opisyal ng Las …

Calamba, Laguna

Calamba residents nababahala sa POGO

CALAMBA — Kamakailan maraming residente sa Lungsod ng Calamba ang nabahala matapos ang inilunsad na …

Mag-utol inaresto sa P.408-M shabu

Mag-utol inaresto sa P.408-M shabu

INARESTO ng Quezon City Police District (QCPD) ang magkapatid na sangkot sa pagtutulak ng droga …

P.9-B halaga ng luxury cars  nasakote ng CIIS-MICP sa Taguig City

Taguig auto shop nanindigan luxury cars locally purchased

NANINDIGAN ang Auto Vault Shop, ang auto shop na sinalakay at nakitaan ng Bureau of …