John Prats magiging director na ng Ang Probinsyano

MA at PA
ni Rommel Placente

BONGGA si John Prats huh! Bukod kasi sa pagiging direktor niya ng It’s Showtime, hayan at kinuha na rin siya bilang isa sa direktor ng FPJ’s Ang Probinsyano, na pinagbibidahan ni Coco Martin. 

Kaya naman sa kanyang Instagram account ay nagpasalamat siya sa bagong oportunidad na dumating sa kanyang buhay. Ganoon din sa mga big boss ng Kapamilya Network, kay Coco, at sa Dreamscape Entertainment, na nagtiwala sa kanya para kunin siyang direktor ng nasabing longest-running series sa telebisyon.

Masaya rin si John na bahagi na ng FPJ’s Ang Probinsyano ang Megastar na si Sharon Cuneta.

Post ni John sa kanyang IG account, “This is Big! Never ko na-imagine sa tanang buhay ko na mapabilang kasama ang mga mahuhusay na Director ng ABS-CBN. Thank you Lord God. Salamat Direk CM (Coco Martin) sa tiwala at sa pag gabay. Thank you Tita Cory , Direk Lauren and Sir Deo and sa @dreamscapeph family for this opportunity na habang buhay kong ipagpapasalamat. And just WOW! Mega star is in the house!!! This is really BIG! Probinsyano never stops!!! 6 years and counting. To God be the Glory. Napakalaki ng Cast! Nakakalula, ngayon laang ata ako naka experience na maging bahagi ng isang programa na napakaraming Bituin! Enjoy mga Kapamilya.”