Yorme kasado na; Andres Bonifacio movie isusunod

I-FLEX
ni Jun Nardo

KASADO na pala sa pagpapalabas ng pelikulang Yorme na base sa ilang bahagi ng buhay ni Manila Mayor Isko Moreno.

Mula ito sa direksiyon ni Joven Tan at ilan sa bida ay sina Xian Lim at Mccoy de Leon.

Ang alam namin sa movie, may special participation lang si Mayor Isko. Base ito sa kanyang humble beginnings bilang isa sa kalakal boys bago siya madiskubre sa showbiz.

Bukod sa Yorme, ang naka-schedule sanang gawin ni Yorme ay ang isang bio-flick tungkol sa bayani nating si Andres Bonifacio. Siya talaga ang lalabas bilang Bonifacio.

‘Yun nga lang, abala na si Yorme sa pag-iikot sa bansa kaugnay ng pagtakbo niya bilang presidentiable.

Bongga sanang project ito para kay Yorme Isko, huh!