HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
NANGITI kami nang hindi agad nakasagot si Joshua Garcia nang matanong ukol sa isiniwalat ni Ivana Alawi na crush niya ang aktor at nagpapalitan sila ng mga mensahe sa social media sa pamamagitan ng DM (direct messages). ‘Ika nga ng ibang kapatid sa panulat, natameme yata ang batang Batangueno, hehe. Sukat ba namang parang batang nagtakip pa ng mukha.
Nangyari ito sa virtual media conference ng bagong series na Viral Scandal ng ABS-CBN.
Ani Joshua, “Kapag may humahanga sa akin, nakakadagdag ng confidence ‘yun para sa lalaki.
“Di ko alam reaction ko,” nakangiting dagdag pa nito. At biglang nagpasalamat sa aktres sa ginawang pag-amin at sinabing napanood niya ang interbyu.
“Siyempre thank you kasi na-appreciate ‘yung work kong ginagawa, ‘yung pag-arte. Base sa narinig ko, na-appreciate niya ‘yung acting, so thankful. Very thankful ako as an actor. Maraming salamat,” sambit pa niya.
“I’m open maging kaibigan, okay lang sa akin,” sambit pa ng binata.
Inamin kamakailan ni Ivana sa interbyu sa kanya ni Ogie Diaz na nacu-cute-an siya kay Joshua. Sinabi rin nitong nagkakapalitan sila ng mensahe sa pamamagitan ng DM. Ang kapatid ni Ivana ang nagbunyag na crush ng kanyang Ate Ivana si Joshua.
Samantala, iikot sa mga kuwento sa likod ng isang video scandal ang pinakabagong serye ng ABS-CBN Entertainment na bukod kay Joshua ay makakasama rin sina Charlie Dizon, Dimples Romana, Jake Cuenca, at Joshua Garcia.
Si Kyle si Joshua sa serye na protector ni Rica na nasangkot sa isang viral video.
Makakakasama rin sa Viral Scandal sina Jameson Blake, Markus Patterson, Ria Atayde, Maxene Magalona, Aljon Mendoza, Karina Bautista, Louise Abuel, Kaila Estrada,Vance Larena, Gian Magdangal, Arielle Roces, at Aya Fernandez. Abangan ito sa Kapamilya Channel, TV5, A2Z, Kapamilya Online Live, iWantTFC, at TFC IPTV.
