HATAW! D'yaryo ng Bayan hatawtabloid.com
ALAM MO NA!
ni Nonie Nicasio
LAGING humahataw sa iba’ ibang pinagkaka-abalahan ang sexy actress na si Sheree.
Bukod sa naghihintay na lang ng playdate ang pelikula nilang Deception, starring Claudine Barretto at Mark Anthony Fernandez, directed by Joel Lamangan, focus ngayon ang morenang aktres sa bago niyang Youtube channel, ang Sheree On Top TV.
From Sheree Vidal Bautista, ginawa niyang Sheree on Top TV ang kanyang YT channel at happy ang Viva aktres dahil maganda ang feedback nito sa madlang pipol, dahil very catchy daw kasi.
Ayon kay Sheree, gusto niyang maging content ng channel niya ang kanyang fitness journey, art, at interview sa iba’t ibang artists and possibly, pati sa mga politicians.
Nakangiting sabi niya, “I wanna share my stories, my real self to my supportive subscribers. Before kasi puro kagagahan lang ako. I wanna go deeper now.”
Dagdag pa ni Sheree, “Concentrate muna ako sa pag-build ulit ng Youtube channel ko, for now. Ang una kong i-launch is Too Hot For Podcast sa shereeontoptv with Rico Robles and Kat B.”
Sino ang dream niyang mai-guest sa kanyang YT channel?
Tugon ni Sheree, “Sa Youtube channel ko, ang dream kong mai-guest ay si Lea Salonga. Ultimate idol ko kasi ‘yun. Pero feeling ko kasi, matulala ako kapag kaharap ko na siya.
“Noong first time ko siya na-meet dahil ipinakilala ako ni Gian Magdangal, natulala ako kay Lea,” nakangitng saad niya.
Pagpapatuloy pa ni Sheree, “She is so nice as in ‘pag nakikita niya ako nagha-Hi siya, pero ako talaga natatameme, na wawalan ako ng hininga… dahil iyong idol mo simula bata ka, tapos ay nakaka-usap mo now. Iyong feeling na ganoon, na parang dream?” Natatawang saad pa ni Sheree.
Mayroon na bang Miss Saigon noon?
“Yes, may Miss Saigon na. Gusto ko lang yung linis ng boses niya, tapos sobrang clear ng message ng words niya when she sings. Parang talab talaga sa soul kapag kumakanta siya,” wika pa ni Sheree hinggil sa idolong si Lea.
