HATAW! D'yaryo ng Bayan hatawtabloid.com
ALAM MO NA!
ni Nonie Nicasio
BATA pa lang ay wish na ng newbie actress na si Angel Arcega ang makapasok sa showbiz. Kaya naman itinuturing niyang malaking blessing sa kanya ang papirmahin ng kontrata sa Viva.
Saad ni Angel, “Yes po, bata pa lang ay gusto ko na talagang mag-artista. Pero nalinya kasi ako before sa pagiging freelance model at pagsali sa beauty pageant. At nagbusiness po ako ng nail spa, salon, at massage spa. Hanggang ngayon active po ito sa Kawit, Cavite area, apat po ang branch niya.
“Kaya yung pagpasok ko sa pagiging artista at pagsign-up sa akin ng Viva ng three years contract, is malaking opportunity po sa akin.”
Ano na ang mga project na nagawa niya, so far?
Tugon niya, “My bit part po ako sa movie na Deception, co-prod po ng Borracho Films with Viva, starring Claudine Barretto at Mark Anthony Fernandez. Supporting naman po ako sa movie na Shoot! Shoot! with Andrew E., AJ Raval, Sunshine Guimary, at marami pa.
“Then, in development po ng Borracho Films ang launching movie ko po next year.”
Pahabol pa ni Angel, “Ang role ko po sa second movie ko, one of the love interests ni Andrew E. and Hashtag Wilbert Ross. Bale, ako iyong isa sa sexy girls na magpapatibok ng puso ni Andrew.”
Hanggang saan ang limitations niya sa pagpapa-sexy?
“Well, topless kakayanin at kita butt, bed scene or shower scene, kayang-kaya. Actually, challenging role iyon sa akin. Tapang ang kailangan doon at bilang artista, trabaho ko po iyan na magampanan ang role na ibibigay sa akin. Tiwala lang sa sarili na kakayanin ko ito,” saad pa ng aktres na ang naka-discover ay si Atty. Ferdinand Topacio.
