HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
“HINDI totoo ‘yan!” Ito ang giit ni Ogie Diaz ukol sa mga taong ng netizens kung kasal na nga ba ang mga alaga niyang sina Enrique Gil at Liza Soberano.
Tila naintriga ang netizens sa parehong singsing na suot ng LizQuen na napansin nila sa vlog ng aktres, kaya ayun, gusto nilang makompirma kung sa manager ng mga ito kung may kasalan na nga bang naganap.
Sa vlog ni Ogie sinabi niyang walang katotohanan na nagpakasal ang dalawa. ”Hindi totoo ‘yan.
‘“Yung singsing na ‘yan ay hindi totoo. Parang ano ‘yan photo shoot or nagba-vlog sila, nandoon si Perry. Ipinasuot ni Perry kay Liza ‘yung singsing na props,” paliwanag ni Ogie.
Ang singsing ay ipinasuot lamang ng stylist n Liza samantalang sariling singing naman ni Enrique ang suot-suot nito.
“Naloka ako. Daming nag-tag. Parang ako, ha totoo ba ito? Bakit walang sinasabi sa akin si Liza? Ako ang manager, wala akong alam,” gulat na gulat na paliwanag pa ng manager. “Kaya siyempre dali-dali akong nag-text kay Liza para linawin lahat,” giit pa ni Ogie.
Actually, tinanong naman ni Ogie si Liza ukol sa ibinabatong katanungan ng publiko sa kanya. ”Tinanong ko siya, ‘Anak, ano ba ito?’ So pinasa ko kay Liza ‘yung naka-encircle na singsing (sa pictures). Sabi ni Liza, ‘Parehong kanan po ‘yan. ‘Yung isa ay accessory na suot ko, ‘yun ‘yung galing kay Tito Perry; ‘yung ring po ni Quen, kanya po ‘yon,’” ani Ogie.
“Kaya sabi ko kay Liza, ‘Alam mo naman ako anak puwede mo akong lihiman basta huwag lang ako ‘yung last one to know.’ Ang sabi ni Liza, ‘No problem po, malalaman niyo po kung sakali,’” sambit pa ni Ogie.
Nilinaw pa ni Ogie na marami pang pangarap sina Liza at Enrique kaya malayo pang lumagay ang mga iyon sa tahimik.
