Janno umamin: Nakipagrelasyon sa isang tibo

SHOWBIZ KONEK
ni Maricris Valdez Nicasio

UKOL sa lesbian couple ang istorya ng bagong handog ng Viva Films, ang 69+1 na pinagbibidahan nina Janno Gibbs, Rose Van Ginkel, at Maui Taylor na idinirehe ni Darryl Yap kaya naman natanong ang actor kung nagkaroon na ba siya ng relasyon sa isang tomboy.

Pag-amin ni Janno, ”Oo, binata pa ako. Iba kasi ako ‘yung first niya eh so before me, lesbian talaga siya. So ako ‘yung first experience niya and then ngayon nababalitaan ko lesbian ulit siya.”

Kuwento ni Janno, hindi niya alam na lesbian ang karelasyon niya noon.

“Noong naging kami hindi ko alam na lesbian siya eh. At saka ko na lang nalaman later on,” anang actor.

Bukod dito, inamin din ni Janno na naimbitahan na rin siyang makipag-threesome tulad ng ginawa o nangyari sa kanilang pelikula.

“Noong bata ako mayroong nagyaya. Hindi natuloy. Pero kung dapat ba gawin that’s the choice of the couple na. Nasa sa inyo na ‘yun kung talagang gusto niyo to spice things up,” pagbabahagi ni Janno.

Pero sa totoo lang, sinabi ni Janno na hindi siya ganoon ka-liberated tulad ng role na ginagampanan niya sa pelikula, na sumama nang imbitahan ng lesbian couple (Maui at Rose Van) na mag-threesome para i-celebrate ang kanilang 7th annibersary.

Kinabahan pala si Janno nang una niyang mabasa ang script bukod sa ngayon lamang niya nagawa ang ilang daring scenes sa dami ng pelikulang nagawa niya.

“Kinabahan ako kasi aside from the entire theme, ‘yung mga scene marami rito hindi ko pa nagagawa sa iba kong movies,” sambit pa ni Janno.

Sinabi pa ni Janno na may mga eksena siyang sobrang-challenge tulad ng ilang sexy scenes niya kina Maui at Rose Van. “’Yung sensual scenes namin tatlo together and ‘yung shower scene. Aside from that, challenge was to show a different Janno Gibbs. Medyo toned down ng kaunti from ‘Pakboys.’ I had to balance comedy with a serious note,” pag-amin pa ni Janno.

Mapapanood na ang 69+1 sa September 3 sa Vivamax. Puwede itong i-download at mai-subscribe sa pamamagitan ng Google Play Store, App Store, at Huawei AppGallery.