HATAW! D'yaryo ng Bayan hatawtabloid.com
FACT SHEET
ni Reggee Bonoan
‘CELEBRATE every body.’ Ito ang tagline ng Bench clothing na ipinost sa Instagram account ng clothing apparel na ang mag-inang Sylvia Sanchez at Gela Atayde ang latest endorser.
Ang caption ng video ng mag-ina, ”No more wondering if the styles you love come in your size. Extended sizes are now available in-stores and online with #BENCHPlus.”
Masaya si Ibyang (tawag kay Sylvia) sa pagiging parte ng Bench family na may bonus pa dahil kasama ang anak.
Hindi ini-expect ni Sylvia na bagamat may edad na, bukod pa sa nadagdagan ng timbang ay kukunin siya ng Bench. Naglabas pa talaga ang clothing apparel ng ‘bench plus’ campaign kaya pasok siya plus si Gela.
Sabi nga ni Ibyang, ”Kung kailan ako tumanda at saka ako nagka-ganyan.” Na ang gustong tukuyin ng magaling na aktres ay ang pagkakuha sa kanya ng Bench para maging endorser.
Artistahin si Gela, pero hindi feel pasukin ang pag-arte tulad ng ate at kuya niyang sina Arjo at Ria Atayde dahil mas type ng dalaga ang humataw sa dance floor na ilang beses na ring nanalo ang grupo nilang Encienda sa iba’t ibang international dance festival.
Going back to Sylvia, magkakaroon sila ng billboard hindi palang niya alam kung saan.
Dalawang taon ang kontrata nila ni Gela sa Bench. Sayang nga kung wala lang COVID-19 pandemic tiyak na rarampa ang mag-ina sa fashion week na taon-taon ay ginagawa ni Ben Chan.
Samantala, bukod sa bagong endorsement, isa pang nagpapasaya kay Sylvia ay ang pagiging nominado sa pagka-Best Drama Actress sa nalalapit na 34th PMPC Star Awards for TV para sa teleserye niyang Pamilya Ko na ipinalabas sa ABS-CBN noong Setyembre 2019 hanggang Marso 2020.
Ang ganda naman talaga ng Pamilya Ko series na kung hindi lang siguro nagkaroon ng pandemya ay malamang na-extend ito ng ilang buwan pa.
Anyway, kasalukuyang nagte-taping ngayon ang aktes para sa seryeng Huwag Kang Mangamba na napapanood ngayon sa A2Z, TV5. at Kapamilya channel.
