Sylvia, napasigaw at napaluha sa MMK nina Arjo at Ria

NAKIKINITA naming hindi nawawala ang mga ngiti ni Sylvia Sanchez bukod pa sa masaya ang buong araw niya kahapon dahil ipalalabas na ang unang programang magkasama ang mga anak niyang sina Arjo at Ria Atayde.

Ang post ni Sylvia kahapon, “Ha ha ha overjoyed! Pagkapanood ko nito napasigaw at tumulo nalang luha ko, goosebumps!!! Isa ito sa mga pinangarap ko #thankuLORD.

Maraming maraming salamat #mmk #abscbn sobra sobra po ang sayang nararamdaman ko ngayon bilang ina salamat po!! #bucketlist’

Abangan! Sa Dec 8 na po #mmk #mmkria #mmkarjo #mmkarjo&ria #mygreatestloves #mylife #family #siblings #happiness #grateful #blessed #treasures #priceless #treasures #Proudmom. Haping-happy ang afternoon.

Binabalik ko po ang papuri sayo Panginoong JESUS,” ito ang masayang post ni Sylvia kahapon habang tinatapos namin ang kolum namin.

Sa Sabado, Disyembre 8 ay mapapanood ang unang Maalaala Mo Kaya episode nina Arjo at Ria na kinunan sa Romblon na nanatili ng limang araw ang magkapatid mula sa direksiyon ni Giselle Andres.

Matatandaang kapag natatanong si Sylvia kung sino ang gusto niyang makatrabaho sa mga susunod niyang proyekto ay parati niyang sinasabi na sana mabigyan siya ng pagkakataong makasama sina Arjo at Ria.

Nangyari naman dahil first teleserye ni Ria na Ningning (2015) ay kasama niya ang nanay niya. Samantalang si Arjo naman ay nakasama ang ina sa Hanggang Saan nitong 2017-2018.

Bagama’t nakasama na ni Sylvia ang mga anak ay pangarap din niyang magsama silang tatlo.

Anyway, si Ria rin pala ay pangarap na makatrabaho ang kuya Arjo niya.

Ang post ni Ria kahapon, “After about two months of planning, we were finally able to shoot our MMK episode and I’m so excited for all of you to see it at the end of this week since I joined the industry, I wanted nothing more than the opportunity to work with @arjoatayde so this is another dream come true. Thank you @mmkofficial for not only letting us bring to life the beautiful story of environmentalists Armin and Rosedel Marin but for also reminding us that this country’s beauty and future are definitely worth fighting for. Please catch our episode, under the direction of Direk Giselle Andres, this December 8 (Saturday) at 8:30pm on ABSCBN.”

FACT SHEET
ni Reggee Bonoan