Donny-Belle susunod sa kasikatan ng Lizquen at Kathniel

FACT SHEET
ni Reggee Bonoan

MAITUTURING na sina Belle Mariano at Donny Pangilinan na ang isa inaabangang love team ngayong 2021 na nagsimula sa tambalan nilang He’s into Her na kasalukuyang napapanood sa iWantTFC.

Hindi malayong ang Donny-Belle loveteam ang susunod sa yapak ng LizQuen (Liza Soberano–Enrique Gil) at KathNiel (Kathryn Bernardo–Daniel Padilla) dahil so far ay sila lang ang matatag ngayon.

Nabuwag na kasi ang JaDine nina James Reid at Nadine Samonte at naguguluhan naman kami sa MayWard kung buo pa pagkatapos ng matindi nilang tampuhan.

Anyway, ang cute naman kasi ng Donny-Belle kaya inaabangan ang digital series nilang He’s into Her na nakadagdag pa ang ganda ng soundtrack na kinanta ng BGYO.

Ang takbo ng kuwento ay pinag-aagawan si Max (Belle) ng dalawang lalaki na ngayon ay bumabalik sa kanya ang ex-boyfriend na si RJ (Jeremiah Lisbo) habang nililigawan siya ni Deib (Donny) sa huling dalawang episodes ng series.

Panoorin ang huling dalawang episode ng He’s Into Her” kada Biyernes,  8:30 p.m. sa iWantTFC app (iOs at Android) o sa iwanttfc.com. Napapanood din ang serye tuwing Linggo, 8:30 p.m. sa Kapamilya Channel, A2Z, at Kapamilya Online Live sa ABS-CBN Entertainment YouTube channel at Facebook page.