Juan Miguel vs Paolo, ano ang totoo?

KITANG-KITA KO
ni Danny Vibas

MAY mga hinaing ng harassment ang baguhang aktor na si Paolo Pangilinan na naging bida sa BL movie na Gaya sa Pelikula. May nangha-harass daw sa kanya.

Sunod-sunod ang tweet ng aktor kamakailan (published as is): ”Wag talaga ako makakakita ng lgbtqia eme eme riyan galing sa’yo ha tatalak ako… 

“Basta yung sakin lang harassers shouldn’t assert be put in positions of power esp when they’ve been reported already thank u no delete…

“Wag kang lalabas buti yan magtago ka naka abang aq.”

Walang katiyakan kung sino ba ang pinarurunggitan n’ya. Biglang nagsuspetsa ang maraming netizens na umano ang scriptwriter ng Gaya sa Pelikula na si Juan Miguel Severo ang pinarurunggitan ng aktor. Kasi nga may binanggit na LGBQTIA sa isang tweet n’ya, at ‘di naman ipinagkakaila ng scriptwriter at spoken word celebrity na gay siya kaya maraming nag-conclude na siya ang pinatatamaan ni Paolo.

‘Di rin malinaw kung sexual harassment ba ang iniaangal ni Paulo.

Tapos, biglang sumali sa isyu si Quark Henares bilang executive producer ng pelikula. Tweet ni Quark noong Lunes ng tanghali, June 21 (published as is): ”woke up to some disturbing texts and tweets. looking into it right now, guys 🙁 this is shocking to us too.

“the safety of our talents is of the utmost importance to us so know that action will be swift and firm.

“we’ll be updating you as soon as there’s more clarity on the issue.”

Habang isinusulat namin ito, ‘di pa rin nililinaw nina Paolo at Quark kung sino ang nangha-harass at sexual ba ang pangha-harass sa kanya.