Chef RJ nangangalap ng locally produced ingredients

APRUBADO at panalo sa panlasa ng viewers ang pilot episode ng pinakabagong cooking show ng GTV, ang Farm To Table na pinangungunahan ng Kapuso chef na si Chef JR Royol.

Maganda, unique, at fresh ang konsepto na hatid ng Farm To Table na ang resident food explorer na si Chef JR ay bumibisita sa iba’t ibang farm sa bansa upang mangalap ng locally-produced ingredients at magluto ng mga putahe na naaayon sa paraan ng mga lokal.

Ikinatuwa at talagang sinubaybayan naman ng food lovers at aspiring chefs ang pilot episode ng Farm To Table nitong nakaraang Linggo.

Sa isang Instagram post ay ipinarating ni Chef JR ang lubos na pasasalamat sa mga nanood at tumangkilik sa kanilang unang episode, ”Taos puso kaming nagpapasalamat sa lahat ng nag-abang na mapanood ang aming unang episode. Sa lahat din ng masigasig na nag-share at repost ng mga Farm To Table content – maraming salamat din po!”

COOL JOE!
ni Joe Barrameda