Paolo, tinuturuan nang umarte si Summer

SA loob ng anim na buwan, 30 pounds na ang nabawas sa timbang ni  Paolo Contis.

 

Aniya, na-inspire siyang mag-exercise at magpapayat para sa kanyang one-year-old daughter na si Summer.

 

Kuwento ni Paolo sa panayam ng 24 Oras, “It’s not really the weight I lose but the life I gain. It’s true para sa akin. Napunta na ako sa point na pagtakbo ni Summer ng ikatlong hakbang, ayoko nang sumama, eh. Hindi pwedeng ganoon. Kailangan nakakahabol na ako. Ngayon, I eat better, I sleep better, I stopped drinking.”

 

Aminado rin si Paolo na bukas ang posibilidad na pasukin din ni Summer ang mundo ng showbiz kaya naman tinuturuan niya ito ng iba’t ibang acting techniques na kinaaaliwan naman ng netizens.

 

“Para akong may matandang kausap, grabe nakatutuwa,” say ng aktor. “Diretso na ‘yung conversation pero siyempre baby pa rin magsalita. Tapos may mga acting siya na ‘Ouch! Ouch!’”  

 

Dagdag pa ni Paolo, susuportahan niya kung ano man ang gustong gawin ni Summer in the future. “Cliché man pero kung saan siya masaya pero habang bata, ang ituturo mo lang naman sa kanya are the values para ‘pag isinabak mo siya sa giyera, alam na niya ang lahat.”

COOL JOE!
ni Joe Barrameda