Mga bida ng The Promise, nagbigay-inspirasyon sa mga kapwa artista

MARAMING realizations na napulot ang stars ng I Can See You: The Promise na sina Paolo Contis, Andrea Torres, Benjamin Alves, at Yasmien Kurdi mula sa kanilang lock-in taping.

 

Dahil The Promise ang isa sa pinakaunang serye ng GMA na sumabak sa lock-in taping, naniniwala si Paolo na mai-inspire nila ang iba pang artista na nag-aalinlangang sumabak sa taping. “We were very concerned na maging successful ‘yung taping kasi alam namin na marami kaming co-actors na takot pa. Because of this, naniniwala ako na mai-inspire namin sila.”

 

Naniniwala naman si Andrea na mas gumanda ang kanilang performance dahil sa matagal na pagpapahinga. “Naapektuhan ‘yung quality ng trabaho. Kasi well-rested kami, palaging ‘yung best mo ‘yung ibibigay mo.”

 

Naging safe at smooth naman ang taping ayon kay Benjamin. “The energy, the safety is even better, the taping is even better, to think na we’re coming from six months absence.”

Kahit nanibago, napanatag ang loob ni Yasmien dahil sa mahigpit na safety protocols na ipinatupad sa set. “Mayroon kaming safety officers sa loob ng set namin na nagpapaalala ng do’s and dont’s.”

 

Ang The Promise ang ikalawang installment sa drama anthology na I Can See You na napapanood simula October 5, 9:15 p.m., sa GMA Telebabad.

COOL JOE!
ni Joe Barrameda