HATAW! D'yaryo ng Bayan hatawtabloid.com
MAY pandemic man, hindi ito naging hadlang para sa Kapuso star na si Rocco Nacino na makamit ang iba’t ibang milestones sa kanyang career. Kamakailan ay naging honorary member siya ng Naval Special Operations Group (NAVSOG) at taos-puso siyang nagpasalamat sa lahat ng mga tumulong sa kanya na makuha ang achievement na ito.
“Akala ko tapos na ang paghihirap ko nang sumabak kami ng Alpha Team sa training ng Special Forces para sa ‘#DescendantsofTheSunPh,’ ‘yun pala mararanasan ko ulit ‘yung hirap sa aming culminating activities para ma-induct sa courses ng NAVSOG. Hindi biro, pero sulit ang hirap at ang mga aral na naidulot nito. At natawa ako nang biruin ako na naging totoo na ang suot ni Wolf, hindi na isang costume. Thank you Philippine Navy, NAVSOG, AFP, for this honor and I am excited to take on more challenges and learnings with the leadership of our officers.”
Bukod dito, ang pelikula niyang Write About Love ay inulan ng good reviews sa paglabas sa Netflix. Ilang araw lang ang nakalipas ay pangalawa na agad ito sa listahan ng Top 10 in the Philippines Today ng Netflix.
Samantala, excited na rin ang fans ng aktor sa pagbabalik ng Descendants of the Sun PH sa telebisyon. Tutukan ‘yan sa GMA Network.
Rommel Gonzales
