Antonio, loyal sa GMA

ISA sa original cast members ng Kapuso comedy gag show na Bubble Gang si Antonio Aquitania. Sa recent episode ng Just In, ibinahagi niya sa host at kaibigang si Paolo Contis kung bakit siya loyal sa programa at sa GMA Network.

Aniya, “’Yung loyalty Pao, nandoon eh. ‘Yung nagsimula ako roon sinabi ko kailangan hindi ako aalis.”

Dagdag niya, napamahal na siya sa show at sa network, “Well may mga chance naman, pero alam mo ‘yun mahal mo eh. Mahal mo ‘yung show. ‘Yung GMA naman hindi naman ako pinabayaan, alam mo ‘yun. Mayroon laging soap, mayroon silang ibang ibinibigay. ‘Yun na ‘yung pinakabasehan ko na bakit ako aalis or ‘di ba kahit nagkaroon ng offer sa iba. Stay ka nalang kasi mahalin mo kung ano mayroon diyan.”

COOL JOE!
ni Joe Barrameda