Alden, stress reliever ang game streaming

AMINADO si Alden Richards na stress reliever niya ang game streaming. Isa ito sa mga libangan niya ngayon habang hindi pa busy sa kanyang mga trabaho.

Sa panayam ng 24 Oras, ibinahagi ng All-Out Sundays at Centerstage star na layunin niya bilang isang livestreamer ang pagpo-promote ng responsible gaming.

Aniya, “I promote responsible gaming. We can all enjoy gaming pero puwede nating i-enjoy ‘yun nang nagiging responsible. ‘Yung kinaganda ng gaming, parang hindi ako si Alden Richards doon. I’m part of the gaming world. Pantay-pantay kami. It’s a matter of skills, dedication and love for the game.”

May paalala rin siya sa mga nais magkaroon ng career sa game streaming, “Hindi mo naman kailangan ng mamahaling gamit. Hindi mo kailangan ng daan-daang libong [game] setup para makapag-livestream ka. Kapag may laptop ka riyan, mayroon kang app. Maraming instructions sa YouTube. Actually, doon lang din ako nagpa-guide and of course, roon sa mga kaibigan ko.”

COOL JOE!
ni Joe Barrameda