Dingdong, pasok sa prinsipyo at adbokasiya ang mga ginagawang show sa GMA

TINIYAK nina Dingdong Dantes at Marian Rivera na ang kanilang mga proyektong ginagawa ay pasok at malapit sa kanilang prinsipyo at adbokasiya. Patunay ang award-winning infotainment show ni Dingdong na Amazing Earth na layong magbigay kaalaman sa kalikasan at sa ating planetang ginagalawan.

 

Saksi rin ang lahat sa husay na ipinamalas ni Marian nang gumanap ito sa makasaysayang drama na Amaya.

 

Sa ika-70 anibersaryo ng GMA-7, pinasalamatan ng dalawa ang Kapuso Network sa patuloy na paggawa ng mga programang nagpapahalaga sa kalikasan at kultura ng bansa.

 

“Lahat tayo ay nakatira sa iisang mundo kaya rito sa GMA layon din nating bigyan ng pagpapahalaga ang ating kalikasan at ating kultura. Para magkaroon tayong lahat ng mas malalim na kamalayan at mahikayat ang lahat na pangalagaan ito,” anang Kapuso talent.

 

Napapanood si Dingdong sa Amazing Earth tuwing Linggo, 5:25 p.m., bago-mag-24 Oras Weekend sa GMA Network.

COOL JOE!
ni Joe Barrameda