Michael V, avid fan ni Iron Man

NOON pa man ay avid fan ng Marvel Cinematic Universe ang multi-awarded comedian at content creator na si Michael V. Madalas din niyang sabihin na ang paborito niyang superhero ay si Iron Man.

Pero sa latest vlog nito, naikuwento niya na noon ay hindi siya gaanong fan ni Tony Stark, “Originally, hindi ako fan ni Iron Man. Hindi ko kino-collect ‘yung comic book niya kaya kaunti lang ang alam ko sa history niya. Naging fan lang ako noong nagsimula ‘yung Marvel Cinematic Universe at bago pa lumabas ‘yung ‘Iron Man’ na movie na parang alam ko na maghi-hit.”

Dagdag ng Bubble Gang at Pepito Manaloto star, nagandahan siya sa ginawang adjustment sa character flaw ni Tony Stark sa movie.

“Kumbaga, kung ikaw si RDJ, parang ang dami mong paghuhugutan. At saka bukod doon, magaling talaga siyang artista. But it turns out, hindi ‘yung pagiging lasenggo ang ginawang character flaw niya sa movie. Ginawa nilang mas napapanahon at mas makabuluhan.”

COOL JOE!
ni Joe Barrameda