Dingdong, na-overcome ang takot sa daga

NAKATUTUWA ang kuwento ni Descendants of the Sun lead actor Dingdong Dantes tungkol sa kanyang naging face-off sa isang daga na umaaligid sa kanilang lanai area.

Isa sa mga natuklasan niya sa sarili ngayong quarantine ay ang kakayahang malabanan ang takot sa daga.

Aniya, “Sobrang matatakutin ako sa daga. As in talagang ‘pag may nakita akong daga o may malaman lang ako na mayroon sa tabi-tabi, magpi-freak out ako.”

Iba na nga ngayon. “Pero isang takeaway doon is, naging kaibigan ko na ‘yung isang malaking daga na umaaligid sa bahay namin kasi nakaya ko na mag-stand off sa kanya ng mga at least 3 seconds kasi ‘di siya umuurong, eh. At least ngayon mayroon na kaming mutual respect kasi talagang inuurungan ko siya rati. Mukhang okay na naman kami,” kuwento niya.

COOL JOE!
ni Joe Barrameda