HATAW! D'yaryo ng Bayan hatawtabloid.com
ITINANGGI ni Sandy Andolong, asawa ni Christopher de Leon, na may make-up artist sa seryeng Love Thy Woman na yumao dahil sa COVID-19 virus.
Ang nabanggit na serye sa Kapamilya network ang huling nalabasan ni Boyet (Christopher) bago ito na-test na positibo sa corona virus.
Sa interbyu kay Sandy ni Gorgy Rulla sa DZRH radio program nito na Showbiz Talk Ganern noong Linggo ng gabi, March 22, sinabi ng aktres na regular ang communication nila ng mga taga-Love Thy Woman, lalo na ang business unit head na si Carlina de la Merced.
“Wala silang naikukuwento sa akin.
“Probably, ako naman ang una niyang sasabihan, ‘no?” pahayag ni Sandy.
“She (Carlina) will let us know. Nag-home quarantine lang sila,” bigay-diin pa ng misis ni Boyet.
Parehong walang binanggit na pangalan ng kahit sino man sa make-up artists sa Love Thy Woman sina Sandy at Gorgy. Madalas ay ‘di lang isang make-up artists ang nakatoka sa malalaking show na gaya ng Love Thy Woman.
Sa nakarating na fake news sa kanilang dalawa, ang pinalalabas na yumao dahil sa corona virus ay ‘yung naka-assign kay Boyet.
Nauna nang pahayag si Sandy kay Gorgy: “Eto ngang make-up artist niya, eh. Natsitsismis na namatay na raw sa Taytay. That’s really, really sad.
“Hindi nakatutuwa. Because it’s very stressful for the other person… sa pamilya niya.”
Kalunus-lunos na ang bilis mag-post ng ilang netizens sa kanilang social media, kahit hindi pa naman nakompirma sa mga tao na may kinalaman sa ibinabando nila.
“They should be very careful of what they post, ha? They have to make sure na it’s really true, and it’s a fact. Dapat manggaling sa kinauukulan. They cannot just post anything,” saad pa ng 58-anyos na aktres.
KITANG-KITA KO
ni Danny Vibas
