P.3-M natangay sa sexagenarian na engineer ng riding in tandem

NILIMAS ng mga naka-motorsiklong kawatan ang mahahalagang bagay mula sa isang senior citizen nang holdapin kahapon ng umaga, 20 Pebrero, sa bayan ng Marilao, sa lalawigan ng Bulacan.

Kinilala ang biktimang si Rodel Jasa, 63 anyos, isang engineer, at nakatira sa Villa Grande, Bgy. Lambakin, sa naturang bayan.

Ayon sa anak ng biktima na si Kagawad Mary Del Adan Jasa, dakong 6:40 am kahapon, kasalukuyang nagkakape ang kaniyang ama sa pag-aaring lugawan sa Magallanes St., nang biglang sumulpot ang motorsiklong sakay ang mga suspek na nakasuot ng bonnet at puting maskara.

Kasunod nito ay nag­deklara ang mga kawatan ng holdap sabay kuha sa itim na Kenneth Cole bag ng biktima na hindi agad nakakilos sa pagkabigla.

Matapos makuha ang bag, mabilis na tumakas ang dalawang kawatan sakay ng motorsiklong Sky Drive Suzuki papunta sa lugar ng Lias Road, sa bayan ng Marilao.

Nakulimbat ng mga kawa­tan sa biktima ang halos P300,000 cash, iba’t ibang identification cards (IDs) at ilang importanteng papeles.

Kasalukuyang nagsasa­gawa ng imbestigasyon ang mga tauhan ng Marilao Municipal Police Station (MPS) upang makilala ang mga nakamotorsiklong kawatan na nakunan ng CCTV habang papatakas.

(MICKA BAUTISTA)