Tulong sa mga biktima ng pagsabog ng Taal, ipinadala ng Bulakeños

PERSONAL na dinala ni Governor Daniel Fernando kasama si P/Col. Emma Libunao, police provincial director ang tulong mula sa pamahalaang panlalawigan ng Bulacan para sa mga biktima ng pagputok ng bulkang Taal sa Batangas.

Nagkaloob ng tulong-pinansiyal ang gobernador na nagkakahalaga ng isang P1 milyon at 500 packs ng relief goods sa mga Bata­ngueño na tinanggap ng kanilang punong panlala­wigan na si Governor Her­milando Mandanas.

Ipinakikita nito na ang mga Bulakeño sa pangu­nguna ng kanilang People’s Governor Daniel Fernando ay laging bukas-palad at may malasakit sa pagtulong sa kapuwa sa mga sandali ng kalamidad.

Aniya, “Learn to light a candle in the darkest moments of someone’s life. Be the light that helps others see; it is what gives life its deepest significance.”

(MICKA BAUTISTA)